სკოლებში, სადაც გაცდენებმა 20%-ს გადააჭარბა, სწავლა სამი დღით შეწყდება. აღნიშნული გადაწყვეტილება განათლების სამინისტრომ, ჯანდაცვის სამინისტროს ახალი რეკომენდაციით მიიღო. უწყებაში EDUKIDS.GE-ს უთხრეს, რომ ამ ეტაპზე, სწავლა ხუთ სკოლაშია შეჩერებული.
„ჯანდაცვის სამინისტროსთან რეკომენდაციით, სკოლებში სწავლის შეწყვეტის თაობაზე გადაწყვეტილება ინდივიდუალურად, თითოეული სკოლის საჭიროებიდან გამომდინარე მიიღება.
კერძოდ, იმ სკოლებში, სადაც გაცდენებმა 20%-ს გადააჭარბა, სწავლა სამი დღით შეწყდება. ასეთია ჯამში 5 სკოლა: თბილისის 74-ე საჯარო სკოლა, თელავის მე-5 საჯარო სკოლა და თიანეთის სამი სკოლა – სსიპ სოფელ ახალსოფლის საჯარო სკოლა, ღულელების საჯარო სკოლა, სსიპ-ტუშურების საჯარო სკოლა“, – აღნიშნეს განათლების სამინისტროში.
ჯანდაცვის სამინისტრომ განათლების უწყებას, ახალი რეკომენდაციით, ვირუსული დაავადებების სიხშირის მატების გამო, დღეს მიმართა.
„თუ სკოლაში ან ბაღში არდასწრება 40%–ს გადააჭარბებს, დაწესებულება 3 დღით დაიკეტება”